«Խնդիր ենք դրել փակել 80-ականների զենքով կռվելու էջը». Արմեն Գրիգորյան

510

Երեքշաբթի, 24 դեկտեմբերի, 2019 թ., 23:40

«Գալիք տարի Եվրամիությունը կարող է աննախադեպ՝ 150 միլիոն եվրո աջակցություն ցուցաբերել Հայաստանին»,- «Ազատություն» ռ/կ-ի եթերում ասել է Անվտանգության խորհրդի քարտուղար Արմեն Գրիգորյանը։

«Դա աննախադեպ քայլ է, և այս առումով մենք շատ կարևորում ենք մեր հարաբերությունների և՛ ներկա դինամիկան, և՛ հաջորդ տարվա սպասելիք զարգացումները։ Հայաստանում տեղի ունեցող ժողովրդավարության պրոցեսին և զարգացումներին մեր միջազգային գործընկերները շատ դրական են արձագանքում, և սա նաև խոսում է հարաբերությունների մակարդակի մասին», - ասել է Գրիգորյանը։

Նրա խոսքով՝ 2019 թվականին Հայաստանն աննախադեպ ծավալի սպառազինություն է ձեռք բերել և լայնածավալ սպառազինություն ձեռք բերելու նոր պայմանավորվածություններ են կայացվել։

«Մենք նաև մեր առջև խնդիր ենք դրել, որ փակենք 80-ականների զենքով կռվելու ընդհանուր էդ փիլիսոփայության էջը մեր պատմության մեջ։ Իհարկե, դեռ ամբողջությամբ չենք հասել դրան, որ փակենք այդ էջն ամբողջությամբ»,-հայտարարել է ԱԽ քարտուղարը:

Մանրամասները՝ տեսանյութում: