«Իրենց պաշտելի «հերոս» նախագահի ժամանակ կարծիք ունեցող արվեստագետները հետապնդվում էին». Գրիգոր Երիցյան

Երևանի ավագանու «Իմ քայլը» խմբակցության անդամ Գրիգոր Երիցյանը ֆեյսբուքյան իր էջում գրել է. «Նունե Եսայանները մի բանում ճիշտ են: Իրենք ազատ են պաշտպանելու ում կուզեն, իրենք չեն վախենում քաղաքական դիրքորոշում ունենալ և գիտեն, որ պաշտպանված են. ցավոք, իրենց պաշտելի «հերոս» նախագահի ժամանակ կարծիք ունեցող արվեստագետները հետապնդվում էին, եթերներից դուրս էին մղվում, դահլիճներ չէին լցնում, ճնշումների էին ենթարկվում: Այդ պատճառով եթերն ու ռադիոն իրենց աղբով լցնում էին «վաստակավոր» արտիստները:

Դուք իրապես երջանիկ եք, որ հնարավորություն ունեք կյանքում առաջին անգամ դրսևորվելու որպես ակտիվ քաղաքացի՝ նախընտրական բեմերից ու պալատական խնջույքներից դուրս: Ձեր այդ իրավունքը պաշտպանված է, իսկ բեմերն ու եթերները հասանելի»: