Երկուշաբթի, 23 փետրվարի, 2026 թ.
|
Ստեփանակերտում`   +4 °C

«Փաշինյանը պիտի ընտրի՝ դառնո՞ւմ է Սերժ Սարգսյան, թե՞ ջարդում է նրա ղեկավարած համակարգը». Ժիրայր Սեֆիլյան

«Փաշինյանը պիտի ընտրի՝ դառնո՞ւմ է Սերժ Սարգսյան, թե՞ ջարդում է նրա ղեկավարած համակարգը». Ժիրայր Սեֆիլյան
527
Ուրբաթ, 27 դեկտեմբերի, 2019 թ., 23:15

«Այս մեկ տարվա ընթացքում մենք բազմաթիվ հայտարարություններ ենք լսել անցումային արդարադատության, վեթինգների ու այլնի մասին. ոչ մեկը կյանքի չի կոչվել։ Լուծումը միայն ու միայն ջարդելու մեջ է, և ոչ միայն խոսքով, այլ՝ գործով»,- Factor TV-ի եթերում ասել է

«Սասնա Ծռեր» համահայկական շարժման ղեկավար անդամ Ժիրայր Սեֆիլյանը:

Նա նշել է, որ իրենք այն համոզմանն են, որ իշխանություններն այս կադրային քաղաքականությամբ ունակ չեն այդ համակարգը ջարդելու. «Սա է գլխավորապես պատճառը մեր նոր ընդդիմադիր դիրքավորման և ինչու չէ՝ նաև համագործակցելու, միասնաբար ջարդելու համակարգը։ Հիմա եթե մեր այս առաջարկությունը՝ ազգային համաձայնության կառավարության և կոշտ կառավարման տրամաբանությամբ գործունեությունն ապագայում չընդունվի գործող իշխանությունների կողմից, ապա ամեն ինչից հետո այլ գործունեության հնարավորություն է բացվում։ Ուզում եմ ասել, որ այս հարցում մենք հետամուտ ենք և թույլ չենք տալու, որ մեր երկիրը պարբերաբար հեղափոխության, հեղաշրջման ժամանակներ ապրի։ Պարոն Փաշինյանը պիտի ընտրի՝ դառնո՞ւմ է Սերժ Սարգսյան, թե՞ ջարդում է Սերժ Սարգսյանի ղեկավարած համակարգը»,- հայտարարել է Սեֆիլյանը:

Մանրամասները՝ տեսանյութում:

«Փաշինյանը պիտի ընտրի՝ դառնո՞ւմ է Սերժ Սարգսյան, թե՞ ջարդում է նրա ղեկավարած համակարգը». Ժիրայր Սեֆիլյան