Հինգշաբթի, 06 օգոստոսի, 2020 թ.
|
Ստեփանակերտում`   +21 °C

«ՊՆ-ի դիվանագիտական պատասխանն ինձ թվում է զավեշտ». Արմեն Մովսիսյան

«ՊՆ-ի դիվանագիտական պատասխանն ինձ թվում է զավեշտ». Արմեն Մովսիսյան
293
Շաբաթ, 28 դեկտեմբերի, 2019 թ., 21:00

Երգիչ-երգահան Արմեն Մովսիսյանը ֆեյսբուքյան իր էջում գրել է. «Մոտենում է Ամանորը, բոլորս ուրախանալու ենք, տոնելու: Հայրենիքում այդ տոնը ապահովում է զինվորը, որ կանգնած է առաջնագծում՝ ոչ սանատորիայում, ոչ ոսկեզօծ երիզներով ափսեից, արծաթե դանակ պատառաքաղով օգտվելով ու օսլայված վերնաշապոկով: Այլ մի քիչ կոպիտ տղամարդկային առօրյայով, տղամարդկային նիստ ու կացով, ոմանք էլ բառիս բուն իմաստով պատերազմի առաջնագծում, մարտական դիրքերում: Երևանի կենտրոնում ինչպիսի ճոխ պատրաստություն էլ տեսնենք Ամանորի կապակցությամբ այդ ամենի ապահովողը դիրքապահն է, սա աքսիոմա է: Որեմն, երբ մամուլում լուր է տարծվում, որ դիրքապահի պարգևավճարը նվազել է շրջանառվող իշխանական օղակի ճոխ պարգևավճարների ֆոնին, դիրքապահի մասով ՊՆ-ի դիվանագիտական պատասխանն ինձ թվում է զավեշտ: Ես չգիտեմ՝ ով է այդ լեզվով հանրությանը փորձել իբր մեկնաբանել՝ չասելով ոչինչ: Բայց հարցը, մեկ է, մնացել է բաց, չբացատրված, կասեի հների ոճով լղոզված, անընդունելի: Հիշեք առաջին կենացը Նոր տարվա, մեկ է, զինվորինն է, որովհետև խաղաղություն ենք ցանկանալու ու անփորձանք ծառայություն մաղթելու ապահովողին»: