Հինգշաբթի, 23 հունվարի, 2020 թ.
|
Ստեփանակերտում`   -5 °C

«Շատ հավանական է, որ բալանսը պահելու համար ադրբեջանական կողմն էլ ստանա իր ուզածը». Անժելա Էլիբեգովա

«Շատ հավանական է, որ բալանսը պահելու համար ադրբեջանական կողմն էլ ստանա իր ուզածը». Անժելա Էլիբեգովա
117
Շաբաթ, 28 դեկտեմբերի, 2019 թ., 23:35

Ադրբեջանի հարցերով փորձագետ Անժելա Էլիբեգովան 168 TV-ի եթերում ասել է, որ հայկական կողմի ձեռք բերած ՍՈւ- 30ՍՄ բազմաֆունկցիոնալ գերժամանակակից ինքնաթիռների ֆոնին՝ Ադրբեջանում քննարկումները չեն դադարում. «Ադրբեջանը նույնպես արդեն խոսում է գործարքի մասին, որ գնեն ՍՈւ 57-երը ՌԴ-ից: Շատ հավանական է, որ բալանսը պահելու նպատակով ադրբեջանական կողմն էլ ստանա իր ուզածը: Դրան պետք է պատրաստ լինենք, որ հետո մեզ մոտ զարմանք կամ վրդովմունք չլինի, թե ինչու Ռուսաստանն Ադրբեջանին վաճառեց նոր սերնդի ինքնաթիռներ»,- նշել է նա:

Փորձագետի խոսքով՝ սպառազինության գնման թեման պետք չէ այդքան շեշտել. «Եթե մենք խոսում ենք պատերազմին պատրաստվելու Ադրբեջանի մոտիվներից, այսինքն՝ անընդհատ շեշտում ենք, որ նրանք զենք են գնում, զորավարժություններ են անում և տարատեսակ միլիտարիստական սպառնալիքներ մեզ ուղղում, պետք է հասկանանք, որ միջազգային հանրությունը նույնկերպ դա ընկալում է, երբ այդպես ցուցադրաբար և շատ ակտիվ, հպարտորեն ներկայացնում ենք մենք: Զենքի գնումները պետք է մի փոքր ավելի համեստորեն լուսաբանել, դրա վրա ավելի քիչ ուշադրություն սևեռել, որովհետև հակառակորդը նույնպես դա ընկալում է որպես ազդակ՝ մոտալուտ պատերազմական գործողություններին պատրաստվելու»,-ասել է Էլիբեգովան:

Մանրամասները՝ տեսանյութում:

«Շատ հավանական է, որ բալանսը պահելու համար ադրբեջանական կողմն էլ ստանա իր ուզածը». Անժելա Էլիբեգովա