«Նման բաները պատահական չեն լինում». Արմեն Վարդանյան

Իրանագետ, քաղաքագետ Արմեն Վարդանյանը ֆեյսբուքյան իր էջում գրել է. «ԱՄՆ-ն Հայաստանից բացի աշխարհի միակ երկիրն ա, որ բյուջեում հատուկ տողով գումար ա հատկացնում Արցախին արդեն երկար տարիներ։ ԱՄՆ-ի 9 նահանգներ պաշտոնապես ճանաչել են Արցախի անկախությունը, անցած տարի Արցախի նախագահ Բակո Սահակյանը հյուրընկալվեց ԱՄՆ Կոնգրեսում: Անցած տարի ԱՄՆ կոնգրեսականներ Ջեքի Սփիրին և Ջուդի Չուն այցելեցին Արցախ։ Նման բաները պատահական չեն լինում, ու դա շատ մեծ նշանակություն ունի Արցախի համար: Թե ինչ ա տվել Ղասեմի Սուլեյմանին Արցախի Հանրապետության համար չգիտեմ, բայց սա գրում եմ հատուկ Ղասեմիի մահը սգող, հայտարարություն տարածող Արցախի որոշ ռազմաքաղաքական գործիչների համար»: