«Փնթի տեղեկատվական օպերացիայի համար խոսքի ազատությունը մեղավոր չէ». Կնյազ Սարոյան

ԱԺ աշխատակազմի լրատվության և հանրության հետ կապերի վարչության ղեկավար Կնյազ Սարոյանը գրել է. «Ադրբեջանական քարոզչությունը երբեք չի քնում, ցանկացած անգամ զրոյական հնարավորություն օգտագործում են, եթե չկա էլ դա հորինում են, արել են դա տարիներ շարունակ: Երեկվա դեպքերը իրենց համար անչափ նպաստավոր էին հակահայկական տեղեկատվական գործողությունների համար: Դա պետք էր զգալ, կանխատեսել, պարզունակ հաշվարկի թեմա է, եթե ոլորտի պատասխանատու ես ու նոր տարվա սալյութների վրա լռված չես:

Տևական ժամանակ էլ որևէ օֆիցիալ մեկնաբանության բացակայությունը թույլ տվեց ադրբեջանցիներին ձեռքներին ազատություն տալ: Եղած ամբողջ ռեսուրսը դեպքերի մասին գրողներին ծաղրելու համար օգտագործելու փոխարեն, պետք էր մոբիլիզացնել հնարավոր ռիսկերը չեզոքացնելու ու տեղեկատվական գրոհը հայկական կողմի ձեռքը վերցնելու համար: Փնթի տեղեկատվական օպերացիայի համար էլ խոսքի ազատությունը մեղավոր չէ, մեղավորությունը պրոֆեսիոնալիզմի բացակայության մեջ է, ցավոք»: