Նարկոկարտելն սպառնում է Թեքսասում առևանգել անվտանգության աշխատակիցներին

Մեքսիկական թմրավաճառական կարտելը սպառնում է առևանգել Թեքսասի հարավային սահմանին աշխատող ամերիկացի իրավապահ մարմինների աշխատակիցներին, պնդում է NewsNation-ի լրագրող Էլի Բրեդլին՝ հղում անելով աղբյուրներին։
Նրա խոսքով՝ ԱՄՆ-ի ներքին անվտանգության նախարարությունը համապատասխան նախազգուշացում է տվել։
«Նախնական տեղեկությունները ցույց են տալիս, որ այս գործողությունը կարող է նախատեսված լինել Պրեսիդիոյի և Էլ Պասոյի տարածքներում մաքսային և սահմանային պաշտպանության աշխատակիցներին թիրախավորելու և առևանգելու համար», - գրել է նա իր սոցիալական ցանցերի էջում։ Բրեդլին չի բացահայտել կարտելի անունը։