Չորեքշաբթի, 15 հուլիսի, 2020 թ.
|
Ստեփանակերտում`   +17 °C

«Ադրբեջանը խայտառակ իրավիճակում հայտնվեց». իրանագետ

«Ադրբեջանը խայտառակ իրավիճակում հայտնվեց». իրանագետ
345
Երեքշաբթի, 07 հունվարի, 2020 թ., 23:40

Իրանագետ Արտյոմ Տոնոյանն այսօր 168 TV-ի եթերում ասել է, որ Ղասեմ Սուլեյմանիի և մի շարք այլ բարձրաստիճան զինվորականների սպանությունն իրավիճակն այնքան չի սրի, որ սկսվի երրորդ համաշխարհային պատերազմ, ինչպես կանխատեսում են որոշ փորձագետներ. «Տեղի ունեցած իրադարձությունները ցույց են տալիս, որ 2020-ը լարված է լինելու, համենայնդեպս, այդ տարածաշրջանում: Ղասեմ Սուլեյմանիի սպանությունը չեմ կարծում, որ հեշտ մարսելի իրադարձություն է»,- ասել է իրանագետը:
Իրանի կառավարությունը հայտարարել է միջուկային համաձայնագրից դուրս գալու մասին, Տոնոյանի խոսքով՝ դա ենթադրում է միջուկային ծրագրի հետ կապված որոշակի ակտիվացում. «Թեև հայտարարվում է, որ խաղաղասիրական է այդ ծրագիրը, բայց, այնուամենայնիվ, հատկապես վերջին տասնամյակում տեղի ունեցած գործողությունները հուշում են, որ Արևմուտքում կա վախ, որ այդ ծրագիրը կարող է վերափոխվել այլ բանի»,- ընդգծել է փորձագետը:

Անդրադառնալով Ադրբեջանի կողմից տարածված կեղծ տեղեկատվությանը, թե իբր Նիկոլ Փաշինյանը շնորհավորել է Թրամփին՝ Սուլեյմանիի սպանության առիթով՝ իրանագետն ասել է. «Չափազանց կարևոր էր, որ շատ արագ հերքվեց, քանի որ ՀՀ-ն կարողացավ կանխարգելել այդ տեղեկատվության տարածումը, և այն ծրագիրը, որ մշակված էր Ադրբեջանի կողմից, տապալվեց և ունեցավ հակառակ ազդեցությունը: Իրանական լրատվամիջոցները տարածեցին ՀՀ վարչապետի հայտարարությունը, և իրականում խայտառակ իրավիճակում հայտնվեց հենց ինքը՝ Ադրբեջանը»:

Մանրամասները՝ տեսանյութում:

«Ադրբեջանը խայտառակ իրավիճակում հայտնվեց». իրանագետ