Ուրբաթ, 29 մարտի, 2024 թ.
|
Ստեփանակերտում`   +16 °C

Թրամփը հանդես է եկել Իրանի ավիահարվածների մասին հայտարարությամբ

Թրամփը հանդես է եկել Իրանի ավիահարվածների մասին հայտարարությամբ
1984
Չորեքշաբթի, 08 հունվարի, 2020 թ., 22:25

ԱՄՆ-ի նախագահ Դոնալդ Թրամփը հանդես է եկել հայտարարությամբ՝ կապված Իրաքում ամերիկյան ռազամաբազայի վրա Իրանի իրականացրած ավիահարձակումների հետ: Նա նախ նշել է, որ քանի դեռ ինքն ԱՄՆ-ի նախագահն է, Իրանին երբեք չի թույլատրվի ունենալ միջուկային զենք: Այնուհետև Թրամփը փաստել է, որ իրանական ավիահարվածների հետևանքով զոհեր չկան. նախազգուշացնող համակարգը ճշգրիտ է գործել ու տեղեկացրել է սպասվող ավիահարվածի մասին: «Մեր բոլոր զինվորներն ապահով են, մեր ռազմաբազաները նվազագույն վնասներ են կրել: Ոչ մի ամերիկացու կամ իրաքցու կյանք չի ընդհատվել»,- ասել է նա:

Միաժամանակ նա հայտնել է, որ ԱՄՆ-ը նոր, ավելի խիստ տնտեսական պատժամիջոցներ է կիրառելու Իրանի նկատմամբ՝ կոչ անելով դաշնակիցներին՝ հրաժարվել Իրանի հետ միջուկային համաձայնագրից: Ուղերձի վերջում ԱՄՆ-ի նախագահը դիմեց Իրանի ժողովրդին և առաջնորդներին՝ ասելով. «Մենք ցանկանում ենք, որ դուք մեծ ապագա ունենաք, այնպիսի ապագա, որին արժանի եք՝ ներդաշնակ լինելով աշխարհի ազգերի հետ։ ԱՄՆ-ը պատրաստ է գրկաբաց ընդունել խաղաղությունը բոլոր նրանց հետ, ովքեր փնտրում են այն»։

Սպիտակ տան ղեկավարը, ավարտելով շուրջ տասը րոպե տևած ուղերձը, հրաժարվել է պատասխանել լրագրողների հարցերին։

Թրամփը հանդես է եկել Իրանի ավիահարվածների մասին հայտարարությամբ