Երկուշաբթի, 20 հունվարի, 2020 թ.
|
Ստեփանակերտում`   -1 °C

Իրանը Թրամփին կոչ է արել «չխայտառակել» պարսկերենը

Իրանը Թրամփին կոչ է արել «չխայտառակել» պարսկերենը
205
Երկուշաբթի, 13 հունվարի, 2020 թ., 11:25

Իրանի արտաքին գործերի նախարարության պաշտոնական ներկայացուցիչ Աբբաս Մուսավին ԱՄՆ նախագահ Դոնալդ Թրամփին կոչ է արել «չխայտառակել» պարսկերենը՝ այդ լեզվով գրառումներ անելով: Այս մասին նա գրել է Twitter միկրոբլոգի իր էջում, հայտնում է Lenta-ն:

«Իրանի ժողովրդին սպառնալիքներով, պատժամիջոցներով և ահաբեկչությամբ սպառնող լեզուն և ձեռքերն իրավունք չունեն խայտառակել պարսկերեն հին լեզուն»,- գրել է Մուսավին: Նա նաև հարցրել է՝ ԱՄՆ նախագահն իրո՞ք սատարում է իրանական ժողովրդին, «ում հերոսին նա պարզապես սպանեց»: Մուսավին ի նկատի է ունեցել իրանցի գեներալ Ղասեմ Սուլեյմանիին, ով սպանվեց Իրաքում ԱՄՆ հատուկ գործողության ժամանակ:
Ավելի վաղ Միացյալ Նահանգների նախագահ Դոնալդ Թրամփն Իրանի հետ հարաբերությունների սրման ֆոնին Twitter միկրոբլոգի իր էջում պարսկերեն լեզվով գրառում էր կատարել՝ դիմելով իրանցիներին:

«Դիմում եմ Իրանի քաջ և տառապյալ ժողովրդին, նախագահությանս սկզբից ես ձեր կողքին եմ եղել և իմ վարչակազմը կշարունակի ձեր կողքին մնալ»,- գրել է Թրամփը: