Երկուշաբթի, 23 փետրվարի, 2026 թ.
|
Ստեփանակերտում`   +3 °C

«Մանվել Գրիգորյանի տանը նկարահանած իրերը հայտնաբերվել և նկարահանվել են ուրիշ վայրում». պաշտպան

«Մանվել Գրիգորյանի տանը նկարահանած իրերը հայտնաբերվել և նկարահանվել են ուրիշ վայրում». պաշտպան
1121
Ուրբաթ, 17 հունվարի, 2020 թ., 23:15

«Եթե առողջությանը սպառնացող վտանգը վերանա, Մանվել Գրիգորյանը վերակենդանացման բաժանմունքից կտեղափոխվի պալատ: Տեխնիկական այլ խնդիրներ են նաև առաջացել՝ կապված սարքավորումները միացնելու հետ, քանի որ արդեն անոթային խնդիրների հետ գործ ունենք»,-168 TV-ի եթերում ասել է նախկին պատգամավոր Մանվել Գրիգորյանի պաշտպան Արսեն Մկրտչյանը:
Նա նշել է, որ Գրիգորյանը գիտակցություն ունի, իսկ խափանման միջոցի փոփոխությանն առանձնապես էմոցիոնալ չի արձագանքել, որովհետև այդ պահին վիճակը շատ ծանր էր:

Պաշտպանը վստահ է, որ Մանվել Գրիգորյանի խափանման միջոցը փոխելու վերջնական որոշումը ընդունվել է ոչ դատարանում, և ոչ էլ դատախազությունում. այդ որոշումն ընդունվել է երկրի ղեկավարի մակարդակով, ինքը կարծում է, որ դա քաղաքական որոշման արդյունք է:

Օրերս համացանցում տեղեկություններ տարածվեցին, որ Մանվել Գրիգորյանի տանը նկարահանած ԱԱԾ կադրերը «կազմակերպված են եղել»: Այս առնչությամբ պաշտպանն ասել է, թե այն, որ դա մոնտաժ է, որ իրականությանը չհամապատասխանող է այդ տեսանկարահանումը, այն, որ այդ իրերը նկարահանված են այնտեղ, որտեղից որ չեն հայտնաբերվել, ինքը գիտեր գործին ներգրավվելու հենց երկրորդ օրը. «Այդ իրերը հայտնաբերվել են ուրիշ վայրում, նկարահանվել են ուրիշ վայրում: Իսկ թե անձամբ ո՞վ է դրանով զբաղվել, կարևոր չէ: Կարևոր է, թե ո՞վ է թույլ տվել կամ հրահանգավորել»,- ասել է պաշտպանը:

Մանրամասները՝ տեսանյութում:

«Մանվել Գրիգորյանի տանը նկարահանած իրերը հայտնաբերվել են ուրիշ վայրում, նկարահանվել են ուրիշ վայրում». պաշտպան