Թրամփը և Էրդողանը քննարկել են Սիրիայի ու Լիբիայի իրավիճակը

ԱՄՆ նախագահ Դոնալդ Թրամփը և Թուրքիայի նախագահ Ռեջեփ Թայիփ Էրդողանը հեռախոսազրույց են ունեցել, որի ընթացքում քննարկել են Սիրիայում և Լիբիայում տիրող իրավիճակը: Այս մասին Twitter միկրոբլոգի իր էջում գրել է Սպիտակ տան խոսնակ Ջադ Դիրը:

Ըստ նրա, երկու նախագահներին հաջողվել է համաձայնության գալ Սիրիայում ընդհանուր նպատակների շուրջ։ Երկուսն էլ կարծում են, որ Իդլիբում բախումները պետք է ավարտվեն: «Երկու նախագահները քննարկել են Լիբիան արտաքին միջամտությունից ազատելու և հրադադարի հաստատման անհրաժեշտությունը»,- գրել է Դիրը:
Բացի այդ, Թրամփը հեռախոսազրույցի ընթացքում կոչ է արել իր թուրք գործընկերոջը լուծել Միջերկրական ծովում Հունաստանի հետ տարածքային վեճը: