«Մնացականյան-Մամեդյարով հանդիպման երկարությունից զարմացածները պատկերացում չունեն, թե ինչ ասել է արտաքին քաղաքականություն». Կ. Հարությունյան

Լրագրող Կարինե Հարությունյանը ֆեյսբուքյան իր էջում գրել է. «Մնացականյան-Մամեդյարով հանդիպման երկարությունից զարմացածներն ու այն սեփական տկարամտության չափումներից մեկնաբանողները պատկերացում չունեն, թե ինչ ասել է արտաքին քաղաքականություն, և ինչ ասել են՝ բանակցություններ հակամարտության կողմերի միջև:
Նույն դիլետանտիզմով էլ քսան տարի գովերգել են իրենց տերերի բանակցային հանդիպումները, բանակցություն ասելով հասկացել ոտքը ոտքին գցած ու բերանը մինչև ականջները բաց հակառակորդ կողմի ղեկավարի հետ միասին աշխատած հին օրերը հիշելը, կամ էլ քաշքշվող թշիկային ռևերանսները, նախագահ կարգվելու դիմաց Ղարաբաղը բանակցային գործընթացից դուրս թողնելն ու, առհասարակ, Ղարաբաղի շահերն առուծախի առարկա դարձնելը: Յոթ ժամանոց բանակցային հանդիպումը չընկալողները սսկված էին, երբ իրենց տերերը քսան տարի ժողովրդի շահերը ծախեցին կազինոներում ու ռեստորաններում, մի շապիկով դարձան միլիարդատեր՝ ծաղուծանակելով թե ազգային արժանապատվությունը, թե երկրի կառավարման համակարգը, իսկ Ղարաբաղյան հակամարտությունը սարքեցին ընդվզող ժողովրդին լռեցնելու միջոց՝ մի կողմից, մյուս կողմից՝ իրենց ոչ օրինակարգ աթոռի անվտանգությունը փոխանակեցին բանակցային սեղանին դրվող եւ հայկական կողմի համար խիստ անբարենպաստ պայմաններով»: