«Մեր հասարակությունից ես վախենում եմ». Կարեն Հովհաննիսյան
116
Հինգշաբթի, 06 փետրվարի, 2020 թ., 02:10
Քրդագետ, թուրքագետ Կարեն Հովհաննիսյանը ֆեյսբուքյան իր էջում գրել է. «Մեր հասարակությունից ես վախենում եմ: Հունվարի 30-ի ժամկետային զինծառայողի մահվան դեպքի հետ կապված քննչականի տարածած հայտարարության քոմենթներն եմ կարդում ու զարհուրում: Մարդիկ հակված են ոչ թե հիմնահարցի լուծմամբ, այլ այս կամ այն մարդու որդուն սպանված, դատված տեսնելուն: Իսկ դրանով լուծվու՞մ է այն խնդիրը, որը կա մեր բանակում, կլուծվի՞ արդյոք միջանձնային հարաբերություններում առկա խնդիրները: Իհարկե չի լուծվի, քանի որ հանցագործությունից հետո տեղի է ունենում իրավական գործընթաց, որի նպատակն է պատժել հանցագործին, բայց ոչ թե վերացնել այն խնդիրը, որ առկա է: Այսօր այս դեպքը, վաղը՝ մյուս դեպքը, էն մյուս օրը էն մյուս դեպքը, ու ամեն դեպքի հետ կկապնվի մեկի որդու անունը ու ամեն անգամ հասարակությունը ոչ թե կպահանջի հիմնահարցի լուծում, այլ այս կամ մականունավորի որդուց վրեժ լուծել... Ինչ որ մի տեղ ինչ որ մի բան այն չէ: Բժիշկի նպատակը հիվանդին բուժելն է, իսկ հիվանդության տիրոջ նպատակը պետք է լինի, որ էլ երբեք չհիվանդանա»:
