Երկուշաբթի, 15 դեկտեմբերի, 2025 թ.
|
Ստեփանակերտում`   -1 °C

Սիրիայում աճում է լարվածությունն ԱՄՆ զինվորականների և ՌԴ ռազմական մասնավոր ընկերությունների աշխատակիցների միջև․ #TheWallStreetJournal

Սիրիայում աճում է լարվածությունն ԱՄՆ զինվորականների և ՌԴ ռազմական մասնավոր ընկերությունների աշխատակիցների միջև․ #TheWallStreetJournal
1893
Հինգշաբթի, 06 փետրվարի, 2020 թ., 20:50

Սիրիայի հարցով ԱՄՆ հատուկ ներկայացուցիչ Ջեյմս Ջեֆրին պնդում է, որ Սիրիայի հյուսիս-արևմտյան հատվածում ավելացել են այն միջադեպերը, որոնց մասնակցում են ԱՄՆ զինվորականները և ՌԴ մասնավոր ռազմական ընկերությունների աշխատակցիները։ Այս մասին գրում է The Wall Street Journal-ը: Հրապարակման համաձայն, խոսքն այն դեպքերի մասին է, երբ կողմերի միջև կա «լարված դիմակայություն»: «Սա տեղի է ունենում ոչ ամեն օր, բայց հաճախականությունն աճել է, և դա անհանգստություն է առաջացնում»,- հայտարարել է Ջեֆրին:

2019 թվականի ամռանը Ռուսաստանի նախագահ Վլադիմիր Պուտինը հայտարարեց, որ մասնավոր ռազմական ընկերությունների աշխատակցիները՝ ներառյալ Սիրիայում ներկայացվածները, չեն հանդիսանում ՌԴ ներկայացուցիչներ:
Թերթը նշում է, որ ավելի վաղ սոցիալական ցանցերում հրապարակվել էին լուսանկարներ, որտեղ պատկերված են, թե ինչպես ԱՄՆ ռազմական մեքենաները Սիրիայում փակել են ճանապարհները «քաղաքացիական մեքենաների» համար: Հրապարակման համաձայն՝ մեքենաներում գտնվում էին ՌԴ մասնավոր ռազմական ընկերությունների աշխատակցիները: Ըստ The Wall Street Journal-ի, ԱՄՆ զինված ուժերի որոշ ներկայացուցիչներ հաղորդել են, որ նման իրավիճակներն ավելի հաճախ են լինում:

Կարդացե՛ք նաև