Հովիկ Աբրահամյանի եղբոր ու վարորդի գործը դատարանում է
![]() 828 Ուրբաթ, 07 փետրվարի, 2020 թ., 12:10 ԱԺ նախկին նախագահ Հովիկ Աբրահամյանի եղբոր՝ Հենրիկ Աբրահամյանի և վարորդի՝ Ամբիկ Գևորգյանի գործն արդեն Երևանի ընդհանուր իրավասության դատարանում է: Այն մակագրվել է դատավոր Գրիգոր Հովհաննիսյանին: Ըստ մեղադրական եզրակացության՝ Արարատի մարզի Մխչյան գյուղի բնակիչ Հենրիկ Աբրահամյանը նախաքննությամբ դեռևս չպարզված ժամանակ և հանգամանքներում անհայտ աղբյուրից ապօրինի կերպով, «Զենքի մասին» ՀՀ օրենքով նախատեսված սահմանափակումների շրջանցմամբ ձեռք է բերել և պահել գործարանային արտադրության՝ 5,45 մմ տրամաչափի 7 հատ ինքնաձիգեր, 5,45 մմ տրամաչափի 3 հատ ակոսափող ձեռքի գնդացիրներ, 7,62 մմ տրամաչափի մեկ հատ նշանառու հրացան՝ իր օպտիկական նշանառության սարքով, 7,62 մմ տրամաչափի մեկ հատ նշանառու հրացան՝ իր պահեստատուփով, 7,62 մմ տրամաչափի մեկ հատ ակոսափող ինքնալից կարաբին, 5,62 մմ տրամաչափի մեկ հատ որսորդական ակոսափող կարաբին՝ իր պահեստատուփով, արհեստագործական եղանակով պատրաստված, 9 մմ տրամաչափի փամփուշտներով կրակելու համար հարմարեցված՝ մեկ հատ ատրճանակ և ռազմամթերք հանդիսացող, ընդհանուր 2909 հատ տարբեր տրամաչափի փամփուշտներ, որոնք հայտնաբերվել և առգրավվել են 2018թ. օգոստոսի 6-ին նշված տարածքում կատարված խուզարկությամբ: Զինամթերքը պահվել է նույն մարզի Մրգավետ գյուղի բնակիչ Ամբիկ Գևորգյանի հետ նախնական համաձայնությամբ, վերջինիս անվամբ ձևակերպված, սակայն փաստացի Հենրիկ Աբրահամյանի եղբոր՝ Հովիկ Աբրահամյանին պատկանող, Արարատի մարզի Մխչյան գյուղի 5-րդ փողոցի 1-ին հասցեի Մխչյանի նախկին մեխանիկավերանորոգման գործարանի տարածքում: Ամբիկ Գևորգյանին մեղադրանք է առաջադրվել այն բանի համար, որ նա ապօրինի կերպով մի խումբ անձանց հետ նախնական համաձայնությամբ պահել է հրազեն և ռազմամթերք: Հենրիկ Աբրահամյանի նկատմամբ որպես խափանման միջոց ընտրվել է գրավը, իսկ Ամբիկ Գևորգյանի՝ ստորագրությունը երկրից չհեռանալու մասին։ Դատական նիստի օրը դեռ նշանակված չէ։ Գրիգոր Հովհաննիսյանը դատավորի 4 տարվա աշխատանքային փորձ ունի: Նա Արարատի և Վայոց ձորի մարզերի ընդհանուր իրավասության առաջին ատյանի դատարանի դատավոր է նշանակվել ՀՀ նախագահի 2016 թվականի հունվարի 29-ի հրամանագրով: Մինչ դատավոր նշանակվելը նա աշխատել է ՀՀ գլխավոր դատախազությունում, Երևանի կայազորի զինվորական դատախազությունում. ՀՀ զինվորական կենտրոնական դատախազությունում: |
«Ծառեր են տապալվել, սակայն թափուկը բնակիչներին չեն տալիս». Ոսկան Սարգսյան
4203:12«Ավինյան, էս ինչ ստեր եք ասում». Պեդրո Զարոկյան (տեսանյութ)
14000:24«Նիկոլը ՍՊԻԴ-ի պես բան է. համ ինքն է վարի գնում, համ էլ նա, ով հետը եղավ». Արամ Գևորգյան
12700:18«Փորձեմ հետ պահել Մկրտիչ Արզումանյանին հնարավոր նիկոլացման կործանարար ճանապարհից». Նաիրի Հոխիկյան
16500:06«Ինչպես հակադարձել, երբ արվեստի ներկայացուցչին պարտադրում են լինել քարոզիչ». Լիկա Թումանյան (տեսանյութ)
151Երեկ, 23:36«Ինչպե՞ս կվերաբերվեք, եթե Թուրքիայի սահմանային կնիքի վրա հայտնվի Արագածի պատկերը». Գևորգ Պապոյան (լուսանկար)
151Երեկ, 23:06«Մենք առաջարկում ենք խաղաղության միակ իրատեսական պլանը՝ ի տարբերություն Փաշինյանի նախընտրական խաբեության». Լևոն Զուրաբյան
167Երեկ, 22:36Մայր աթոռի թանգարանը համալրվել է «Երկրային դրախտի քարտեզ» բացառիկ ցուցանմուշով (լուսանկար)
149Երեկ, 22:24