Ապրիլյան պատերազմի հերոս Տիգրան Պողոսյանն այսօր կդառնար 28 տարեկան
368 Ուրբաթ, 21 փետրվարի, 2020 թ., 14:00 Փետրվարի 21-ը ապրիլյան քառօրյա պատերազմի հերոս Տիգրան Պողոսյանի ծննդյան օրն է: Այսօր նա կդառնար 28 տարեկան: Տ. Պողոսյանը ծնվել է 1992 թվականի փետրվարի 21-ին Շիրակի մարզի Արթիկ շրջանի Հոռոմ գյուղում, Մխիթար Պողոսյանի և Սիլվա Մանասյանի ընտանիքում։ Ունի ավագ եղբայր՝ Տարոն Պողոսյանը: 2010 -2014թթ. սովորել է Վ. Սարգսյանի անվան ռազմական ինստիտուտում։ Հետո ծառայության է անցել ԼՂՀ Մարտակերտում։ Զբաղվել է կինգ բոքսով, կարատե սպորտաձևերով: Քառօրյա պատերազմի ժամանակ Տիգրանը թեթև վիրավորվել էր, սակայն լռել էր, միայն եղբորն էր խնդրել՝ իր սիրած աղջկան չասել այդ մասին: Ապաքինվելուց հետո նորից շարք էր վերադարձել: Միշտ սիրում էր կրկնել, թե «սպան զինվորի ավագ ընկերն է ու միշտ նրա կողքին պետք է լինի»: Ինքն էլ սեփական օրինակով միշտ զինվորի հետ է եղել: Նրա հարևան դիրքն էլ Արմենակ Ուրֆանյանի դիրքն էր: Մի անգամ նույնիսկ իր դիրքում ստուգումներ անցկացնելուց հետո Տիգրանին լավագույն հրամանատար են ճանաչել, շատ ամուր է պահել դիրքը, որն էլ հենց իր անունով են կոչել: 2014 թվականից 2016 թվականի ապրիլի 2-ից պայքար է մղել ադրբեջանական բազմաքանակ գրոհայինների դեմ։ Արիաբար զոհվել է 2016 թվականի ապրիլի 25-ի գիշերը լույս 26-ին արկի բեկորի մահացու հարվածից՝ սեփական մարմնով փրկելով իր զինվորի կյանքը։ Հետմահու ստացել է ավագ լեյտենանտի կոչում: 2014 թվականին, ինստիտուտի ավարտական տարում, ՀՀ նախագահի կողմից պարգևատրվել է անվանական դաշույնով, 2016 թվականի մայիսի 28-ին՝ Հայաստանի Հանրապետության «Արիության» պետական մեդալով, իսկ 2016 թվականի մարտի 27-ին՝ Արցախի «Արիության» պետական մեդալով: Տիգրան Պողոսյանի ընկերները հաճախ են հիշում նրա խոսքերը. «Ամենալավն այս տղաներն են, որ դիրք են պահում»: |
Ադրբեջանը Հայաստանին ժամանակ է տվել ու սպառնացել
3102:06«Ես՝ անհավատս, կանգնում եմ Հայ Առաքելական եկեղեցու կողքին». Վարդան Ղուկասյան
3502:00Միջոցներ են ձեռնարկվում զինվորական համազգեստով անձանց ինքնությունը պարզելու ուղղությամբ․ ՊՆ
3801:54«Կիրանցում լուսաձայնային հատուկ միջոցի հետևանքով տուժած 5 քաղաքացի և 2 ոստիկան են տեղափոխվել «Իջևան» ԲԿ». պատգամավոր
3301:48«Սա ամբողջ հայ ժողովրդի գոյաբանական իրավունքների ու արժանապատվության համար պայքարի մաս է». Թաթոյան (լուսանկար)
4001:36Ոստիկանությունը հերքում է
5800:48Բագրատ Սրբազանը տեսակցել է Իջևանի ԲԿ տեղափոխված 2 ոստիկանին
8400:18ՀՐԱՏԱՊ ԼՈՒՐ. տասնյակ պայմանագրային զինծառայողներ միացան Կիրանցի պայքարին (տեսանյութ)
10800:00