«Ընդդիմությունը Թուրքիայի նախագահից պահանջում է բացահայտել կապերը Սիրիայում գործող ահաբեկչական կազմակերպությունների հետ». Վ. Ոսկանյան

280

Կիրակի, 01 մարտի, 2020 թ., 00:10

Իրանագետ Վարդան Ոսկանյանը ֆեյսբուքյան իր էջում գրել է. «Ըստ արաբական աղբյուրների երեկ և այսօր տարածած տեղեկատվության՝ Թուրքիայի բանակի առնվազն 7-10 զինվորական է սպանվել ֆելդմարշալ Խալիֆա Հաֆթարի հրամանատարությամբ գործող Լիբիայի ազգային բանակի կողմից Տրիպոլիի Մայթիկա ավիաբազայում թուրքական շտաբի հրետակոծման հետևանքով։ Ի դեպ, մինչ այդ լիբիացիները ոչնչացրել էին նույն այդ կենտրոնից ղեկավարված թուրքական «Բայրաքթար» (բռց․՝ «Դրոշակակիր») անօդաչուն։

Կարծում եմ՝ շատ հետաքրիր կլինի Սիրիայում և Լիբիայում վերջին օրերին թուրքական բանակի զգալի կորուստների վերաբերյալ ներթուրքական քաղաքական խոսույթին հետևելը և այն վերլուծելը՝ հատկապես, որ արդեն իսկ տեղեկատվություն կա ընդդիմության՝ Թուրքիայի նախագահից պահանջի մասին, որպեսզի վերջինս բացահայտի իր կապերը Սիրիայում գործող ահաբեկչական կազմակերպությունների հետ»։