«Սերժ Սարգսյանին պետք է դատել 800 հա հանձնելու, իշխանությունը զավթելու համար». Ազատ Արշակյան

Գերագույն խորհրդի նախկին պատգամավոր Ազատ Արշակյանը, Factor TV-ի եթերում անդրադառնալով ՀՀ երրորդ նախագահ Սերժ Սարգսյանին ներկայացված մեղադրանքին, ասել է. «Սերժ Սարգսյանին հարկավոր էր դատել 800 հեկտարը հանձնելու համար, հարկավոր էր նրան դատել ընտրակեղծիքին մասնակցելու համար, իշխանությունը զավթելու համար, 2013թ. սեպտեմբերի 3-ի հայտարարության համար, երբ անկախ Հայաստանը հանձնեց Ղազախստանին՝ Եվրասիական միությունը Ղազախստանի ծրագիրն է: Այ դրա համար պետք է դատեին: Իսկ որպեսզի դրա համար դատեին, իշխանությունը պետք է իր սեղանին ունենար քաղաքական գնահատականը նախորդ իշխանություններին»:

Վաղը դատարանը որոշում է հրապարակելու «Մարտի 1»-ի գործով. կբավարարի՞ Ռոբերտ Քոչարյանի պաշտպանների դիմումը և կդադարեցնի՞ քրեական հետապնդումը, կամ մեկ այլ որոշում՝ քրեական գործի վարույթը կկարճվի՞: Այս հարցերին ի պատասխան եթերի ընթացքում Արշակյանն ասել է. «Կարծում եմ, որ պետք է շարունակվի դատավարությունը, դատախազությունը պետք է դատարանում ապացուցի իր կոմպետենտությունը, արհեստավարժությունը: Ակնհայտ բանը պետք է ապացուցել, հիմնավորել, և համարժեք պատասխան ստանան հանցագործները»:

Մանրամասները՝ տեսանյութում: