«Թուրքիան կարող է ադրբեջանցիներին ակտիվացնել Արցախում». քաղաքագետ

«Վաղը կայանալիք ռուս-թուրքական բանակցություններից առաջ Թուրքիայի Արտաքին գործերի նախարար Մևլութ Չավուշօղլուի և ԵԱՀԿ Մինսկի խմբի համանախագահների հանդիպումը վտանգավոր է այն առումով, որ փաստացի Իդլիբի շուրջ հակասական իրավիճակը և այն բախումները, որոնք եղան թուրքական և սիրիական բանակի միջև, լուրջ լարվածություն կառաջացնեն թուրք-ռուսական հարաբերություններում, իսկ դա իր ազդեցությունը կարող է թողնել Արցախի վրա»,- «168 թիվի»-ի եթերում ասել է քաղաքագետ Երվանդ Բոզոյանը:

Նրա խոսքով՝ 2016 թվականի քառօրյա պատերազմը նաև արձագանք էր նրա, որ այդ ժամանակ խիստ սրված էին ռուս-թուրքական հարաբերությունները. «Եթե ռուս-թուրքական լարվածությունը խորանա, ապա կա մեծ վտանգ, որ այդ գործընթացը կտեղափոխվի Արցախ։ Իսկ ինչ վերաբերում է Չավուշօղլուի և համանախագահների հանդիպմանը, ապա, կարծում եմ, որ Թուրքիան վաղը կայանալիք հանդիպումից առաջ ատամներ ցույց տվեց»,- ասել է Բոզոյանը։
Քաղաքագետի խոսքով՝ եթե վաղը Ռուսաստանի և Թուրքիայի ղեկավարների միջև հանդիպման ժամանակ կողմերից յուրաքանչյուրն իր համար ցանկալի ելք չստանա, որից հետո կողմերը սկսեն միմյանց մեղադրել գոտկատեղից ներքև հարվածելու համար, ապա Թուրքիան որոշակի ժամանակ անց կարող է ադրբեջանցիներին ակտիվացնել Արցախում։

Մանրամասները՝ տեսանյութում: