Դատարանը հրապարակում է ինքնաբացարկի միջնորդության վերաբերյալ որոշումը

Երևանի ընդհանուր իրավասության դատարանի Շենգավիթի նստավայրում՝ նախագահությամբ Աննա Դանիբեկյանի, շարունակվում է ՀՀ երկրորդ նախագահ Ռոբերտ Քոչարյանի և մյուսների գործով դատական նիստը։

Դատական նախորդ նիստում Ռոբերտ Քոչարյանի պաշտպան Հայկ Ալումյանն ինքնաբացարկի միջնորդություն էր ներկայացրել դատավոր Աննա Դանիբեկյանին, որին միացել էին Սեյրան Օհանյանի, Արմեն Գևորգյանի ու Յուրի Խաչատուրովի պաշտպանները։

Միջնորդությանն առարկել էին տուժող կողմն ու մեղադրող դատախազները։
Դատարանը հեռացել էր խորհրդակցական սենյակ՝ որոշում կայացնելու, որը քիչ անց կհրապարակի: