«Հետհեղափոխական Հայաստանը ժողովրդավարական չլինել չի կարող». Սուրեն Սուրենյանց

Քաղաքագետ Սուրեն Սուրենյանցը ֆեյսբուքյան իր էջում գրել է. «Երեկ մենք ականատեսը դարձանք այն դասական դեպքի, թե ինչպես է ոստիկանությունն իր բռնություններով, հարկադրանքի անհամաչափ կիառմամբ «հերոսացնում» քրեական հեղինակությանը։ Եթե որևէ մեկը հանցագործ է, պետք է պատասխանտվության ենթարկվի ու դա անվիճելի է։ Բայց անվիճելի այլ իրողություններ էլ կան։ Եթե, օրինակ, պարզվի, որ սա ոստիկանության նոր գործելաոճն է, ապա հետհեղափոխական Հայաստանն ամենևին էլ չի դառնա ժողովրդավարության հոմանիշը։ Կամ՝ եթե պարզվի, որ ոստիկանապետի ԺՊ-ն նման ձևով «վիզ» է դրել ոստիկանապետ նշանակվել, ապա հաստատ այդ նշանակումը չպետք է տեղի ունենա՝ հենց նրա համար, որ հետհեղափոխական Հայաստանը ժողովրդավարական չլինել չի կարող»: