Ուրբաթ, 29 մարտի, 2024 թ.
|
Ստեփանակերտում`   +6 °C

Իրանում #COVID_19 կորոնավիրուսի վարակման դեպքերի ռեկորդային աճ է գրանցվել

Իրանում #COVID_19 կորոնավիրուսի վարակման դեպքերի ռեկորդային աճ է գրանցվել
2074
Շաբաթ, 07 մարտի, 2020 թ., 10:55

Վերջին 24 ժամվա ընթացքում Իրանում գրանցվել է կորոնավիրուսի վարակման դեպքերի ռեկորդային աճ, հայտնել է երկրի առողջապահության նախարարության պաշտոնական ներկայացուցիչ Քիանուշ Ջահանփուրը:
«Անցած օրվա ընթացքում հաստատվեց 1234 նոր դեպք: Ընդհանուր թիվը, հաշվի առնելով նոր տվյալները, 4747 է»,-նշել է Ջահանփուրը՝ IRINN հեռուստաալիքի եթերում:
Պաշտոնյան հավելել է, որ ռեկորդային աճը կապված է այն կենտրոնների թվի ավելացման հետ, որտեղ մարդիկ կարող են վիրուսի թեստ հանձնել՝ դրանով իսկ ավելացնելով հիվանդության ճանաչման արագությունը:
Ըստ ԶԼՄ-ների տեղեկությունների, նախօրեին 17 մարդ է մահացել, մահացության ընդհանուր թիվը հասել է 124-ի:
Նախագահ Հասան Ռոհանիին հայտնել է, որ կորոնավիրուսը տարածվել է երկրի գրեթե բոլոր շրջաններում:
Ուսումնական հաստատություններում դասերը դադարեցրել են մինչև մարտի 20-ը:
Պաշտոնյաներն իրենց հանդիպումներն իրականացնում են տեսակոնֆերանսների ձևաչափով:
Մարզամշակութային միջոցառումները չեղարկվել են: