«Էջմիածնեցի կինը բժիշկների հետ կիսակոնֆլիկտային հարաբերություններ է ունեցել». Փաշինյան

Քիչ առաջ ՀՀ վարչապետ Նիկոլ Փաշինյանը տիկնոջ հետ ուղիղ եթեր մտնելով՝ անդրադարձավ կորոնավիրուսի շուրջ Հայաստանում ծավալվող իրադարձություններին: Նա նշեց, որ վարակվածության ամենաշատ դեպքերն Էջմիածնում են՝ հայտնի նշանդրեքի պատճառով:

«Էջմիածնեցի կինը Հայաստան է դիմել փետրվարի 29-ին, երբ մենք դեռ հաստատված դեպք չենք ունեցել: Նրան պարբերաբար դիմել են բժիշկները, հորդորել՝ գալ ջերմաչափման, ստուգման: Սակայն կինը մերժել է՝ ասելով, թե ինքը հո հիվանդ չի, որ գա: Կիսակոնֆլիկտային վիճակ է առաջացել, նա, իմանալով հանդերձ, որ ջերմում է, անգամ դեղեր է խմում, այդ ամենը թաքցրել է բժիշկներից»,- ներկայացրեց Փաշինյանը: