«Կառաջարկեի բոլոր բանկերին և վճարային գործառույթներ իրականացնող ընկերություններին՝ սարքավորումներն ախտազերծել». Ն. Դիլբարյան

Լեզվաբան, բանասիրական գիտությունների թեկնածու, «Ժառանգություն» կուսակցության փոխնախագահ Նարինե Դիլբարյանը ֆեյսբուքյան իր էջում գրել է. «Քանի որ մոտենում ենք արտակարգ իրավիճակի տրամաբանությամբ կենսագործունեությանը, կառաջարկեի ՀՀ բոլոր բանկերին և վճարային գործառույթներ իրականացնող ընկերություններին՝ Իզիփեյ, Թելսել, Իդրամ....Երևանում և մարզերում իրենց սարքավորումներն աշխատանքային օրվա ընթացքում գոնե 2-3 անգամ ախտահանիչ լուծույթով ախտազերծել, իսկ մեր քաղաքացիներին, քանի կենտրոնացված դա չի արվում, վճարում կատարելուց կամ տերմինալից օգտվելուց առաջ սրբել ստեղնաշարը սպիրտ կամ քլոր պարունակող հեղուկով: Միով բանիվ, բոլորս ախտահանիչ հեղուկներ ունենանք մեզ հետ, ինչպես նաև միանգամյա ձեռնոցներ, որոնք օգտագործելուց հետո նետենք աղբամանը, ոչ թե դնենք գրպանը կամ պայուսակը: Ձևավորենք ապահով ապրելու կենսակերպ, մի քանի անգամ ստիպելով կանենք, հետո կդառնա վարքագիծ: Չկա չարիք՝ առանց բարիք»: