Ի՞նչ անի քաղաքացին, որ գնացել է վարկը փակի, բայց բանկը փակ է եղել․ պարզաբանում է ՀՀ վարչապետը

«Այսօր տեսա Կենտրոնական բանկի հայտարարությունը, որ մասնաճյուղեր փակելու վերաբերյալ որևէ որոշում չի եղել։ Դրանք սպոնտան խուճապային որոշումներ են, որ առաջիկա օրերին կկարգավորվեն։ Համենայնդեպս, հաճախորդի համար որևէ նեգատիվ հետևանք չի բերի։ Համենայնդեպս, եթե կլինեն այդպիսի փորձեր, սա այն դեպքն է, որ մենք միջամտելու հնարավորություն կունենանք»,- այսօր Ազգային ժողում հատուկ նիստի ժամանակ պատասխանելով ԲՀԿ-ական պատգամավոր Արտյոմ Ծառուկյանի հարցին, թե ինչպե՞ս է վերաբերում այն բանկերի աշխատելաոճին, որոնք հայտարարում են, թե քաղաքացիները մոտենան մասնաճյուղեր և վճարումներն այնտեղ իրականացնեն, ասաց Նիկոլ Փաշինյանը։ Նա նշեց, որ եթե մարդն այդ բանկից վարկ է վերցրել և գնացել է վարկը փակի, բայց բանկը փակ է եղել, այդտեղ քաղաքացուն ոչ մի վերապահում չի կարող լինել։