«Պետք է գործ արվի՝ ժամանակին որոշումներ կայացվեն»․ Էդմոն Մարուքյան

«Մեր քաղաքացիներին հիմա էլ պարզ չէ, թե վերջին հաշվով մասնավոր հիմնարկությունները պիտի աշխատե՞ն, թե՞ չպիտի աշխատեն։ Այս հարցին էստեղ պիտի պատասխան տրվեր, բայց այդ պատասխանը չի տրվել։ Այսինքն՝ նման արգելք կա՞, ոչ, նման արգելք չկա»,- այսօր ԱԺ-ում հատուկ նիստի ժամանակ տարակուսեց «Լուսավոր Հայաստան» խմբակցության ղեկավար Էդմոն Մարուքյանը՝ հավելելով, որ այս հարցերին պետք է արագ պատասխաններ տրվեն, որովհետև դա խուճապի հիմք է հանդիսանում։

Նա նշեց, որ կառավարությունը պետք է գումարներ հատկացնի շնչառական սարքեր գնելու համար․ «Պետք է գործ արվի՝ ժամանակին որոշումներ կայացվեն, որովհետև այստեղ, ճիշտ է, համաճարակաբաններ չենք, բայց կան որոշումներ, որոնք պետք է արագ կատարվեն»,-նկատեց Մարուքյանը։