«Առավոտ»-ից 500 հազար դրամ տուգանքի սպառնալիքով պահանջել են հեռացնել նյութն այն մասին, որ Ռուսաստանում կորոնավիրուսի դեպքերը թաքցվում են». Իոաննիսյան

503

Չորեքշաբթի, 18 մարտի, 2020 թ., 20:55

«Իրազեկ քաղաքացիների միավորում» ՀԿ հիմնադիր, ծրագրերի համակարգող, Հանրային խորհրդի անդամ Դանիել Իոաննիսյանը ֆեյսբուքյան իր էջում գրել է. «Քանի որ «Առավոտ» օրաթերթից 500 հազար դրամ տուգանքի սպառնալիքով պահանջել են հեռացնել նյութն այն մասին, որ Ռուսաստանում կորոնավիրուսի դեպքերը թաքցվում են, ես ևս մեկ անգամ տարածում եմ սույն տեղեկությունն այն մասին, որ վստահ եմ, որ Ռուսաստանում և Թուրքիայում Կորոնավիրուսի դեպքերը շատ ավելի շատ են, քան ներկայացվում է:

Ուրիշ ո՞նց բացատրենք հանրային կառավարման փորձ չունեցողներին, որ գրաքննությամբ չես ստիպի, որ մարդիկ քեզ վստահեն: Գրաքննությամբ ճիշտ հակառակ արդյունքը կլինի:

Ֆեյքերն ու սուտ լուրեր տարածողները չեն թուլացնում իշխանության նկատմամբ վստահությունը, այլ հենց իշխանության սխալ քայլերն ու գրաքննության առկայությունը»: