Իտալիայում մեկ օրում #COVID_19 կորոնավիրուսից մահացել է 475 մարդ․ #ТАСС

2282

Հինգշաբթի, 19 մարտի, 2020 թ., 10:40

Իտալիայում մեկ օրվա ընթացքում կորոնավիրուսի հետևանքով մահացածել է 475 մարդ, գրում է ТАСС-ը: Այդ մասին հայտարարել է Քաղաքացիական պաշտպանության դեպարտամենտի ղեկավար Անջելո Բորելին: Նրա խոսքով՝ վարակվածների ընդհանուր թիվը ներկայում կազմում է 28 710 մարդ։ Բուժվածների թիվն աճել է 1084-ով, այսինքն՝ 37%-ով և հասել 4025-ի: 14 955 մարդ ներկայումս բուժում է ստանում, արդեն բուժվել է 1439 մարդ: Այսպիսով կորոնավիրուսի բռնկման պահից ի վեր վարակվել է ավելի քան 35 713 մարդ, ներառյալ նրանք, ովքեր բուժվել կամ մահացել են։

Վարակման և մահացությունների ամենամեծ թիվը մինչ այժմ շարունակում է մնալ հյուսիսային շրջաններում՝ Լոմբարդիայում, որտեղ հայտնաբերվել է կորոնավիրուսի տեղական բռնկումը, ինչպես նաև Էմիլիա Ռոմանիա և Վենետո շրջաններում, որտեղ կորոնավիրուսը հայտնաբերվել է փետրվարի 21-ին: