«Կորոնավիրուսի դեմ պայքարի համար ընդամենը 500 մլն դրամ է հավաքվել, մենք 1 միլիարդ աննպատակ ծախս ենք կատարել». Սերգեյ Բագրատյան
 158 Չորեքշաբթի, 25 մարտի, 2020 թ., 11:10 «Ֆինանսական հաշտարարի գրասենյակն ամեն տարի 64 մլն դրամ վճարում է միայն վարձակալության համար: 10 տարում գրասենյակը 640 մլն դրամ վարձակալության վճար է մուծել: Միայն գործուղումների համար 10 տարում մոտ 400 մլն գումար է դուրս գրվել: Այսինքն՝ հանրագումարով 1 միլիարդ դրամ անարդյունավետ ծախս է կատարել այս գրասենյակը: Երբ այսօր կորոնավիրուսի դեմ պայքարի համար ընդամենը 500 մլն դրամ է հավաքվել, մենք 1 միլիարդ աննպատակ ծախս ենք կատարել». մարտի 25-ի նիստում հայտարարեց ԲԿՀ-ական պատգամավոր Սերգեյ Բագրատյանը: Այս հայտարարությունը Ս. Բագրատյանն արեց «Ֆինանսական համակարգի հաշտարարի մասին» ՀՀ օրենքում փոփոխություն կատարելու հարցի քննարկման ժամանակ: Օրինագծով առաջարկվում է փոփոխություն կատարել օրենքում և այդ գրասենյակին դիմելու իրավունք տալ նաև միկրոբիզնեսով զբաղվող կազմակերպություններին: Ս. Բագրատյանն էլ իր կասկածը հայտնեց առ այն, որ եթե գրասենյակը նման անարդյունավետ ծախսեր է կատարել, արդյոք արդյունավետ կիրականացնի՞ ֆիզիկական ու իրավաբանական անձանց շահերի պաշտպանությունը: |
