«Վաղվանից ՀՀ ողջ տարածքում՝ հանրային տարածքներում կիրականացվեն ախտահանման աշխատանքներ». ԱԻՆ փոխնախարար

«Արտակարգ դրության ընթացքում ԱԻՆ փրկարար ծառայության ճգնաժամային կառավարման ազգային կենտրոն ստացվել է շուրջ 500 ահազանգ մեր քաղաքացիներից, որոնցից շուրջ 286-ը պայմանավորված են եղել կորոնավիրուսով»,- այսօր՝ ասուլիսի ժամանակ, հայտնեց ԱԻՆ փոխնախարար Արմեն Հարությունյանը:

Նա նշեց, որ վաղը առավոտյան՝ 06:00-ից հանրապետության ողջ տարածքում՝ հանրային տարածքներում և կանգառներում կիրականացվեն ախտահանման աշխատանքներ:

«Գործողությունը հանրապետության բոլոր համայքներում կիրականացվի օրական 2 անգամ: Մինչ այս էլ ԱԻՆ ստորաբաժանումների ներկայացուցիչներն իրականացրել են ախտահանման աշխատանքներ, սակայն դրանք արվել են ըստ անհրաժեշտության: Վաղվանից դա կդառնա պարտադիր»,- նշեց նա: