ԱԺ ԼՀԿ խմբակցության պատգամավոր Գևորգ Գորգիսյանը ֆեյսբուքյան իր էջում գրել է. «Հերթական բողոք-նամակի հետքերով Ինձ են դիմել մի քանի բակային փոքր մթերային խանութներից։ Իհարկե բոլոր տնտեսվարողները պետք է հարկ վճարեն, բայց կարծում եմ, արտակարգ դրության պայմաններում, երբ քաղաքացիների մի զգալի հատվածի գնողունակությունը կտրուկ ընկել է, բակային խանութներում առավել ակտիվացել ու հաստացել են «նիսյայի տետրերը», կարելի է գոնե այդ փոքր տնտեսվարողների նկատմամբ մի քիչ ներողամիտ գտնվել։ Իսկ առհասարակ, տուժած ոլորտներում հարկային արձակուրդը կարծում եմ պարտադիր էր։
Կից քաղաքացիներից մեկի նամակը. Ժողովուրդ ահազանգ, էտ ֆաս հրամանը, որ մեր սիրելի վարչապետն արձակում է՝ տուգանել բոլորին ու անխտիր, չի մտածո՞ւմ՝ բա որ մթերայիններով բունտ անենք, էս ժողովրդին ովա՞ կերակրելու։ Առավոտից նեռվային չգիտեմ՝ ում պարտքով ապրանք տամ, ում՝ չտամ։ ՍՈՍ օգնեք, միջամտեք, թե չէ էս օրհասական օրերին որ պետական պաշտոնյան մոտեցավ իմ խանութին, արարքներիս համար պատասխանատու չեմ»։
