Ուրբաթ, 29 մարտի, 2024 թ.
|
Ստեփանակերտում`   +12 °C

«Եկող շաբաթ բազմաթիվ տնտեսվարողներ իրենց հաշիվների վրա կտեսնեն կառավարության հատկացրած միջոցները». Էկոնոմիկայի նախարար

«Եկող շաբաթ բազմաթիվ տնտեսվարողներ իրենց հաշիվների վրա կտեսնեն կառավարության հատկացրած միջոցները». Էկոնոմիկայի նախարար
260
Ուրբաթ, 03 ապրիլի, 2020 թ., 13:00

«Սա արտակարգ վիճակ է բոլորի համար: Մենք հասկանում ենք և հուսով ենք, որ մասնավոր հատվածում 2 կողմն էլ՝ թե՛ վարձակալը, թե՛ վարձատուն, լավ են պատկերացնում իրավիճակը, և իրենց համաձայնությունները կլինեն այնպիսին, որ փոխադարձաբար հաշվի կառնեն 2 կողմերի և՛ կրած կորուստները, և՛ հնարավորությունները: Այստեղ կառավարությունը շատ չի կարող միջամտել, բայց մենք կոչ ենք արել, որ բոլոր այն դեպքերում, երբ վարձատուն տեսնում է, որ վարձակալը չի կարող ամբողջությամբ վճարումներ կատարել, 2 կողմերն էլ պետք է համաձայնության գան, գտնեն միջինը». ապրիլի 3-ին լրագրողների հետ զրույցում ասաց Էկոնոմիկայի նախարար Տիգրան Խաչատրյանը՝ ի պատասխան այն հարցի, թե ինչպե՞ս պետք է վարվեն այն տնտեսվարողները, օրինակ՝ բուքմեյքերական գրասենյակները, որոնք չեն գործում և չեն կարող վճարել վարձակալության գումարները:
Տ. Խաչատրյանն ասաց՝ ակնկալում են, որ այս տարի պետական աջակցությունից կօգտվի 10 հազար ֆերմեր, իսկ վարկային ռեսուրսները կլինեն 60 մլրդ դրամ: Բնականոն տնտեսական կյանքին անցնելուց հետո կառավարությունը գործարկելու է աջակցության նոր ծրագրեր՝ ֆինանսական նոր գործիքներով:

«Եկող շաբաթն այն շաբաթն է, երբ բազմաթիվ տնտեսվարողներ իրենց հաշիվների վրա կտեսնեն կառավարության կողմից հատկացված միջոցներ»,-հայտարարեց Էկոնոմիկայի նախարարը:

«Միևնույն ժամանակ պետք է ընդունենք, որ էական կորուստները նվազագույն չեն լինելու»,- ասաց նախարար: Նախարարը չբացառեց, որ արտակարգ դրության ժամանակահատվածը երկարացվելու դեպքում ֆինանսավորման աջակցության չափերը կփոխվեն:

ԿԲ-ի այն կանխատեսումը, թե կորոնավիրուսից հետո ՀՀ տնտեսական աճը կկազմի 0,7%, կնվազեն ներմուծման և արտահանման ծավալները, ՌԴ-ից եկող տրանսֆերտները, նախարարը դա կոնկրետ իրավիճակի գնահատական համարեց: