Երկուշաբթի, 06 ապրիլի, 2026 թ.
|
Ստեփանակերտում`   +9 °C

«Կորոնավիրուսի ախտորոշումը շատ բարդ գործընթաց է». Արսեն Թորոսյան

«Կորոնավիրուսի ախտորոշումը շատ բարդ գործընթաց է». Արսեն Թորոսյան
547
Կիրակի, 05 ապրիլի, 2020 թ., 19:40

ՀՀ առողջապահության նախարար Արսեն Թորոսյանը ֆեյսբուքյան իր էջում գրել է. «Կորոնավիրուսի, ինչպես նաև այլ վարակների ճշգրիտ ախտորոշումը շատ բարդ գործընթաց է:

Կորոնավիրուսի ճշգրիտ ախտորոշումն իրականացվում է պոլիմերազային շղթայական ռեակցիայի (ՊՇՌ) մեթոդի միջոցով, երբ բկանցքի և/կամ քթանցքի էպիթելիալ հյուսվածքների մեջ որոշվում է վիրուսի կամ ավելի ճիշտ դրա ռիբոնուկլեինաթթվի (ՌՆԹ) առկայությունը:

Մինչ օրս իրականացվել է ավելի քան 4000 հետազոտություն: Այսպիսի հետազոտություններ իրականացնելու համար կենսաանվտանգության չափանիշներին համապատասխանող լաբորատորիաների թիվը մեր կողմից աստիճանաբար ավելացվում է, որպեսզի կարողանանք ավելի շատ նմուշներ հետազոտել»:

Կարդացե՛ք նաև