ՀՀ ԶՈՒ ռազմաբժշկական վարչության պետը՝ մարտի վերջին կորոնավիրուսով վարակված զինծառայողների վիճակի մասին

«Այսօր առավոտյան այդ մեկուսացվածների թիվը 0 է, որովհետև վերջին տվյալներով այն զինծառայողները, ում մոտ հայտնաբերվել էր կորոնավիրուս, դուրս են գրվել և անցել ծառայողական պարտականությունները կատարելուն, մնացած կազմը, որ անցել էր զորանոցային ռեժիմի, բոլորը թեստավորվել են, և բոլորի պատասխանը բացասական է եղել: Զորամասն անցել է իր բնականոն գործունեությանը». ապրիլի 13-ին Կառավարության մամուլի կենտրոնում ասուլիսի ժամանակ ասաց ՀՀ ԶՈՒ ռազմաբժշկական վարչության պետ Սահակ Օհանյանը՝ MAMUL.am-ի գրավոր հարցին ի պատասխան, թե ի՞նչ են ցույց տվել մարտի վերջին կորոնավիրուսով վարակված զինծառայողների, նրանց հետ շփված և մեկուսացվածների կրկնակի թեստերը, և ինչպիսի՞ն է զինծառայողների առողջական վիճակը:

Ըստ պաշտոնյայի՝ թոքաբորբով հիվանդ ոչ մի զինծառայող չկա: