Խոշոր բիզնեսմենը և նախագահն ինչպե՞ս է ապահովելու երկրում տնտեսական հավասարությունը. մեկնաբանում է Արայիկ Հարությունյանը

«Լինելով խոշոր բիզնեսմեն և Արցախի նախագահ, ինչպե՞ս եք ապահովելու տնտեսական հավասարությունը»,- Հանրային հեռուստաընկերությունում ուղիղ տեսակապով հարցազրույցի ժամանակ Արցախի նորընտիր նախագահ Արայիկ Հարությունյանից հետաքրքվեց հարցազրուցավար Պետրոս Ղազարյանը:

Հարցին ի պատասխան Արայիկ Հարությունյանն ասել է. «Ես բիզնեսով զբաղվել եմ մինչև 2007 թվականը, որոշ սեփականություն ունեմ. հիմնականում հողագործություն, գյուղատնտեսական արտադրություն և վերամշակում, որոնք միշտ շատ թափանցիկ են եղել: Օրենքի խախտում թույլ չեմ տվել երբևէ: Լինելով վարչապետ, հետո՝ պետնախարար՝ ես շատ ակտիվ համագործակցում էի բիզնեսի, տնտեսվարող սուբյեկտների հետ: Այսօր խոսում են ՀԷԿ-երի մասին և հայտարարում, որ ՀԷԿ-երում ես մեծ մաս ունեմ, և ես ապացուցեցի, որ այն սիմվոլիկ է: Եվ եթե ես աջակցել եմ ՀԷԿ-երի շինարարությանը, դա անձնական շահ չի եղել: Ցանկացած բիզնես ուղղություն, որտեղ ցանկանում են կապել ինձ, ես պատրաստ եմ ամբողջությամբ ներկայացնել իրականությունը: Կառավարումը հետագայում լինելու է այնքան թափանցիկ, որ որևէ մեկի մոտ մտահոգություն չառաջանա...: Քննադատել են ինձ, քանի որ ժամանակին եղել եմ խոշոր գործարար, որի համար ես հպարտ եմ»:

Մանրամասները՝ տեսանյութում: