Պուտինը կրկին կմիջամտի

Օֆշորային մեքենայությունների գործով տուժող, նախկին գործարար Փայլակ Հայրապետյանի փաստաբան Աշոտ Գևորգյանը չի բացառել, որ քրեական պատասխանատվության կենթարկվի նաև ՀՀ նախկին վարչապետ Տիգրան Սարգսյանը։

Հիշեցնենք, որ Նավասարդ արքեպիսկոպոս Կճոյանին մեղադրանք է առաջադրվել օֆշորի աղմկահարույց գործով։

Կճոյանի անունը դեռևս տարիներ առաջ էր շոշափվում օֆշորային սկանդալի մեջ՝ կապված գործարար Փայլակ Հայրապետյանի ունեզրկման հետ: Արքեպիսկոպոսից բացի օֆշորային սկանդալում էր հայտնվել նաև այն ժամանակվա վարչապետ Տիգրան Սարգսյանը, սակայն երկուսն էլ չէին ներգրավվել դատավարական որևէ կարգավիճակով:

Նրանք հերքել էին իրենց առնչությունն այդ գործին, ավելին՝ Տիգրան Սարգսյանը ևս դատարան էր դիմել՝ Փայլակ Հայրապետյանին մեղադրելով զրպարտության մեջ։

Հասարակական-քաղաքական շրջանակներում ասում են, սակայն, որ «օֆշորային սկանդալի պատմությունը դարձյալ կիսատ է բացահայտվելու, որովհետև իշխանությունը չի հասնելու այս գործի մյուս ֆիգուրանտին՝ Պուտինին հերթական անգամ չբարկացնելու համար»։