Ամերիկացիները դուրս են եկել փողոց՝ բողոքի ակցիաներ անելով

ԱՄՆ-ի տարածքում բողոքի ցույցեր են. մարդիկ դուրս են եկել փողոց՝ պահանջելով չեղարկել կարանտինն ու վերադառնալ բնականոն կյանքին:

Այս մասին տեղեկացնում է Fox News-ը:

Հարյուրավոր ամերիկացիներ են դուրս եկել միտինգի Քենթուքիում, Մերիլենդում, Միչիգանում, Օհայոում, Թեքսասում, Վիսկոնսինում: Ըստ հեռուստաընկերության տվյալների՝ հիմնականում ցույցերին մասնակցել է նախագահ Թրամփի ընտրազանգվածը:

Ցուցարարները պահանջել են թույլատրել՝ վերադառնալ աշխատանքի, պնդելով, որ իրենց սահմանադրական իրավունքները ոտնահարվում են:

Վերջին մեկ ամսում աշխատանքից զրկվել է շուրջ 22 միլիոն ամերիկացի:

Ապրիլի 16-ին ԱՄՆ նախագահը հայտարարեց, որ փուլ առ փուլ կհանվեն սահմանափակումերը 29 նահանգում: Կարանտինային մեղմացման հասնելու համար նահանգում երկու շաբաթ շարունակ պետք է արձանագրվի COVID-19-ով վարակվածության աճի նվազում: