Պատմական նվազագույնից #WTI նավթի գինը բարձրացել է

WTI տեսակի նավթի մայիսյան ֆյուչերսների արժեքը վերադարձել է դրական արժեքի՝ համաձայն սակարկությունների, գրում է РБК-ն։ NYMEX բորսայում Երևանի ժամանակով ժամը 8:10-ի դրությամբ այն աճել է մինչև 1,40 դոլար: WTI նավթի հունիսյան ֆյուչերսներն աճել են մինչև 21,33 դոլար:

Լոնդոնի ICE բորսայում գործարքների տվյալներով՝ Հյուսիսային ծովի Brent խառնուրդի հունիսյան ֆյուչերսները կազմում են մեկ բարելի դիմաց 25,39 դոլար (մայիսյան պայմանագրի ժամկետներն ավարտվել են):

Հիշեցնենք՝ նախօրեին WTI նավթի մայիսյան ֆյուչերսների գինը պատմության մեջ առաջին անգամ բացասական էր դարձել՝ համաձայն Նյու Յորքի ապրանքային բորսայի տվյալների։ Մայիսին մատակարարվող WTI նավթի գինը կազմել էր մինուս 37,63 դոլար՝ էժանանալով 300 տոկոսով։