«ԱՄՆ-ը պարտվեց նավթային պատերազմում»․ փորձագետ

Ռուսաստանը և Սաուդյան Արաբիան «հասան իրենց նպատակին», քանի որ որևէ մեկին այժմ պետք չէ ամերիկյան նավթը, և ԱՄՆ-ում թերթաքարային նավթի հանույթի ողջ արդյունահանումը փլուզման վտանգի տակ է: Այս մասին Investing.com-ին տված հարցազրույցում հայտնել է նավթի շուկայի փորձագետ Բարանի Կրիշնանը։

«Թերևս ոչ ոք այնքան գոհ չէ ամերիկյան նավթի գների անկումից՝ որքան Սաուդյան Արաբիայի թագաժառանգ Մուհամմադ Իբն Սալմանը և Ռուսաստանի նախագահ Վլադիմիր Պուտինը»,- նշում է վերլուծաբանը:
Փորձագետի խոսքով՝ առաջիկա ամիսներին հնարավոր է ԱՄՆ-ում թերթաքարային նավթի հանույթի արդյունահանման ոլորտը փլուզվի։
Կրիշնանը նշում է, որ ամերիկյան նավթային ոլորտի աշխատակիցներն ամենից շատ տուժում են գլոբալ պահանջարկի նվազման և գների անկման խնդրից, հիմնականում այն պատճառով, որ «ԱՄՆ պահոցներում ազատ տարածությունը սպառվում է ավելի արագ, քան ցանկացած այլ տեղ»:
Ըստ Rystad Energy-ի գնահատականների՝ Միացյալ Նահանգները կարող է պահուստներում ունենալ մոտ 150-200 միլիոն բարել նավթ, իսկ Քուշինգում 90 միլիոն բարել տարողությամբ պահեստային տարածքները լիքն են ավելի քան 2/3-ով: Ռազմավարական ռեզերվը, ինչպես հայտարարել է ԱՄՆ նախագահ Դոնալդ Թրամփը, կարող է լրացուցիչ 75 միլիոն բարել պահել:
Նավթի արդյունահանումն ԱՄՆ-ում, չնայած մարտի ընթացքում կրճատվել է 35%-ով, սակայն նվազել է ընդամենը 800 հազար բարելով՝ գրանցելով օրական 12.3 միլիոն բարել:

Միևնույն ժամանակ, ըստ Vortexa և Kpler տրանպորտային և վերլուծական ընկերությունների տեղեկությունների, մինչև մայիսի վերջ Սաուդյան Արաբիայից 20 տանկեր՝ 40 միլիոն բարել նավթով, պետք է ժամանեն Լուիզիանա և Տեխաս նահանգներ:

«Գործոնների համադրությունը WTI-ին դարձրել են Էր Ռիադի և Մոսկվայի համար հեշտ թիրախ, որոնք ցանկանում են համաճարակի ավարտից հետո ավելացնել շուկայում սեփական մասնաբաժինը: Ռազմավարությունը շատ պարզ է. Թրամփին խոստանալ կրճատել արտահանումը, բայց ոչ մի գործողություն չձեռնարկել, ինչը նրանց կարող է արժենալ շուկաներ կամ գնորդներ»,-եզրափակում է վերլուծաբանը: