Ռուսական նավթի խոշորագույն գնորդները՝ ըստ #Forbes-ի

China National United Oil Corporation-ը (Chinaoil) դարձյալ գլխավորում է ռուսական նավթի՝ «Роснефть» ընկերության գլխավոր գնորդների ցանկը՝ համաձայն Forbes ամսագրի տվյալների, որը ներկայացնում է ռուսական նավթի 20 խոշոր գնորդների վարկանիշային աղյուսակը: Chinaoil-ն առաջատար է դարձել ինչպես պայմանագրերի ընդհանուր քանակի, այնպես էլ՝ առաքումների ծավալի ցուցանիշով: 2019-ի վերջին Chinaoil-ը 18,3 միլիարդ դոլարով գնել է 39,7 միլիոն տոննա ռուսական նավթ: Հրապարակման համաձայն՝ 2019-ին Չինաստանը նավթի ներմուծման նոր ռեկորդ է սահմանել։ 2018-ի համեմատ դեպի Չինաստան մատակարարումներն աճել են 9,5%-ով և գերազանցել 500 միլիոն տոննան: Միևնույն ժամանակ, երկիրը պահպանել է ռուսական նավթի խոշորագույն գնորդի կարգավիճակը:

Վարկանիշային աղյուսակում չորս տեղերը զբաղեցրած ընկերությունները նախորդ տարվա համեմատ չեն փոփոխվել: Այսպիսով, երկրորդ տեղը կրկին զբաղեցնում է շվեյցարական առևտրային Litasco ընկերությունը, որը հանդիսանում է LUKOIL-ի թրեյդերը։ Litasco-ն անցյալ տարի Ռուսաստանից գնել է 38,3 միլիոն տոննա նավթ՝ վճարելով 17,4 միլիարդ դոլար: Երրորդ տեղում Роснефти-ի թրեյդեր Rosneft Trading-ն է, որը գնել է 28 միլիոն տոննա նավթ՝ վճարելով 12,5 միլիարդ դոլար:
Չորրորդ տեղում ֆրանսիական Total-ի «դուստր» ընկերությունն է (22,8 միլիոն տոննա՝ 10,2 միլիարդ դոլարով): Հնգյակը եզրափակում է չինական СEFC ընկերությունը (9,3 միլիոն տոննա 4,5 միլիարդ դոլարով)։