Հայոց ցեղասպանության մասին ֆրանսիական շաբաթաթերթում տեղ գտած հրապարակումները
768 Երկուշաբթի, 27 ապրիլի, 2020 թ., 00:30 Կոլեկցիոներ Համլետ Հովսեփյանը ֆեյսբուքյան իր էջում հրապարակել է Հայոց ցեղասպանության մասին ֆրանսիական շաբաթաթերթում տեղ գտած հրապարակումները. «L'Illustration» ֆրանսիական շաբաթաթերթ, 20-ը Նոյեմբերի, 1915 թիվ. (անձնական հավաքածու) «Հայ փախստականների ճամբար՝ Պորտ Սաիդում» Պորտ Սաիդի մերձակայքում ճամբար է ստեղծվել ՝ ավելի քան չորս հազար հայերի ընդունելու համար, որոնց ֆրանսիացի նավաստիները, անցյալ ամսվա սեպտեմբերի վերջին փրկել էին Սիրիայի ափերից։ Ոճրագործների կոտորածից փրվելու համար, հազարավոր հայեր բարձրացել էին Սիրիայի ափերին գտնվող լեռները։ Այդ ողբերգական ոդիսականի մասին մենք պատմել ենք մեր հոկտեմբերի 9-ի համարում։ Պորտ Սաիդում գտնվող անգլիական զորքի խնամակալության շնորհիվ, վտանգից պաշտպանված փախստականները փորձում են մոռանալ այն տառապանքները, որոնց միջով անցել են։ Նրանց օգնություն է ցուցաբերվում Անգլիայի Կարմիր խաչի ու Կահիրեի հայոց պատրիարքի կողմից։ Փախստականների թվում կան շատ երեխաներ, կանայք և տարեցներ, ներառյալ մեկ հարյուրամյա։ «L'Illustration», Journal Français du 09 Octobre 1915. (collection personnelle) «Հայերի բնաջնջումը Թուրքական լծի տակ ապրող դժբախտ հայերը, հավանաբար այս պատերազմին մասնակից ժողովուրդներից ամենադաժան ճակատագրին են արժանանում։ Թվում է, թե օսմանները ձգտում են հասնել նրանց ամբողջական ոչնչացմանը։ Դա համակարգված ոչնչացում է սրի և կրակի միջոցով: Միացյալ Նահանգներից ստացված հաղորդագրության համաձայն, որտեղ կա մեծ հայկական գաղութ, կոտորվել է ավելի քան 450 000 մարդ; ևս 500,000 ուրիշներ կվախճանվեն ծայրահեղ դաժան պայմանների պատճատով (հետապնդում, սով...), ինչ պայմաններում որ գտնվում են այս խեղջ մարդկանց մի ամբողջ խումբը, որոնց նոր ընդունեցինք Սիրիայի ափերը պաշտպանող մեր նավերի վրա։ Այս դժբախտները, որոնք ապրում էին Լաթաքիայի վիլայեթում, մասսայականորեն վտարվել են իրենց զբաղեցրած բնակավայրերից: Սարսափահար նախիրի պես, նրանց քշել են դեպի լեռներ, դեպի «Djebel Moussa» լեռնազանգված, Անտիոքի ծոցից դեպի հյուսիս։ Սկզբում տղամարդիկ պաշտպանվելով, կարողացել են փախչել իրենց հետապնդողներից և աստիճանաբար նվաճել ծովափը ՝ հույս ունենալով միայն այնտեղից փրկության մասին: Բայց շուտով նրանց սկսում է պակասել զինամթերքն ու սնունդը: Եթե նրանց չհաջողվեր կապ հաստատել ֆրանսիական նավերից մեկի հետ, Նրանք կամ իրենց հետապնդողների զոհն էին դառնալու, կամ մահանալու էին սնունդի պակասից։ Մեր նավատորմի անդամները շտապելով նրանց օգնության, սեպտեմբերի 12-ին և 13-ին, կարողացան փրկել ավելի քան 5,000 մարդ, որոնց ժամանակավորապես տեղափոխեցին Պորտ-Սաիդ»: |
Հայոց ցեղասպանության զոհերի հիշատակին նվիրված համերգ՝ Հաագայում
31300:24Փաշինյանը ներկա է գտնվել «Պապ թագավոր» ներկայացմանը (տեսանյութ)
165Երեկ, 21:54Ադրբեջանցի վանդալները քանդել են Շուշիի հայտնի Կանաչ ժամը
23918.04.2024, 20:24Արդյո՞ք Կոնդն արժեք ունի. ցուցադրություն՝ նվիրված Կոնդին (լուսանկար)
26917.04.2024, 23:48Ռուս խաղաղապահները հեռացել են բռնազավթված Դադիվանքից
47216.04.2024, 18:48Արա Գևորգյանը՝ Երևանի երաժշտական թիվ 13 հատուկ դպրոցի անմխիթար վիճակի մասին (լուսանկար)
33616.04.2024, 14:18«Ստանալու ենք պատիվ և հայրենիք». Բագրատ Սրբազանը՝«Տավուշը հանուն հայրենիքի» շարժման մասին (տեսանյութ)
39416.04.2024, 00:06Վայոց Ձորի թաքնված վանքերից մեկը, որը փոխարինեց Գլաձորի նշանավոր համալսարանին. Հերմոնի վանք (լուսանկար)
48914.04.2024, 22:30