«Աշխատասենյակիցս 37 փաստաթուղթ են առգրավել»․ Նարեկ Կարապետյան

Իրավապահները ՀԷՑ-ում ավարտեցին խուզարկությունը և հեռացան։ «Աշխատասենյակիցս 37 աշխատանքային փաստաթուղթ են առգրավել»,- լրագրողների հետ զրույցում ասաց ՀԷՑ-ի տնօրենների խորհրդի նախագահ Նարեկ Կարապետյանը։ Նա ընդգծեց, որ իշխանությունը մասսայական ճնշումների ինչ-որ պրոցես է ուզում սկսել։

«Ինձ թվում է, որ ինչ-որ իրավական պրոցես են ման գալիս, ինչ-որ բան հնարավոր է գտնեն, բայց չեմ պատկերացնում, թե ինչ կարող են գտնել»,- ասաց նա՝ հավելելով, որ ձերբակալությունից, կալանավորումից ոչ մեկը չի վախենում, և որ «այսօր մեծ պատիվ է ճաղերից այն կողմ լինելը»։