Երկուշաբթի, 23 փետրվարի, 2026 թ.
|
Ստեփանակերտում`   +5 °C

Երևանի Աջափնյակ թաղամասում կտեղադրվի Մահաթմա Գանդիի արձանը

Երևանի Աջափնյակ թաղամասում կտեղադրվի Մահաթմա Գանդիի արձանը
547
Երեքշաբթի, 28 ապրիլի, 2020 թ., 12:00

Երևանի ավագանու այսօրվա նիստում որոշում կայացվեց Երևանի Աջափնյակ թաղամասում տեղադրել Մահաթմա Գանդիի արձանը:

Հարցը ներկայացրեց Երևանի աշխատակազմի քաղաքաշինական գործունեության հատուկ կարգավորման ծրագրերի բաժնի պետի ժամանակավոր պաշտոնակատար Անդրանիկ Սեդոյանը՝ նշելով, որ արձանի տեղափոխման և տեղադրման բոլոր ծախսերը պատրաստակամ է կրել հնդկական կողմը:

Որոշման հիմնավորման մեջ ասվում է, որ որոշման ընդունման համար հիմք է հանդիսանում Երևանի քաղաքապետին ուղղված ՀՀ արտաքին գործերի նախարարության գրությունը, որով առաջարկվում է Հնդկաստանի հոգևոր առաջնորդ, համաշխարհային պատմության ականավոր քաղաքական գործիչ և փիլիսոփա Մահաթմա Գանդիի 150-ամյակի կապակցությամբ Երևանում տեղադրել նրա արձանը, դրանով իսկ ամրապնդելով և խորացնելով Հայաստանի և Հնդկաստանի միջև բարեկամական հարաբերությունները: