Ռուսաստանում կորոնավիրուսով վարակվածների թիվը հասել է 93 500-ի

Վերջին մեկ օրում Ռուսաստանում գրանցվել է կորոնավիրուսով վարակվածության 6 400 նոր դեպք (+7,4%), մահացել է 66 հիվանդ, ապաքինվել՝ 682 մարդ։ Կորոնավիրուսի հաստատված ընդհանուր դեպքերի թիվը կազմում է 93 500, փոխանցում է Интерфакс-ը։ Նոր դեպքերն արձանագրվել են երկրի 85 շրջաններում։ Ռուսաստանում կորոնավիրուսով վարակվածների թիվը գերազանցել է Իրանի ցուցանիշներին, որտեղ արձանագրվել է հիվանդության 91 472 դեպք, իսկ նախորդ օրվա գրանցված ցուցանիշներով ՌԴ-ն գերազանցել էր Չինաստանին (83 918 դեպք): Նախօրեին Մոսկվայում գրանցվել է հիվանդության 3 075 նոր դեպք, որտեղ հիվանդների ընդհանուր դեպքերը կազմում են 48 426։

Մահերի ընդհանուր թիվը կազմում է 867, նախօրեին մահացել է 72 մարդ, որից 44-ը՝ Մոսկվայում։ Վերջին 24 ժամվա ընթացքում ապաքինվել է 1 110 մարդ, որոնցից 606-ը՝ Մոսկվայում: Ամբողջ ժամանակահատվածում ապաքինվել է 8 456 հիվանդ։