Քաղաքացիների բողոքի ակցիան՝ Կառավարության դիմաց

Մի խումբ քաղաքացիներ բողոքի ակցիա են իրականացնում Կառավարության շենքի դիմաց։ «Անմարդկային է արտակարգ դրության պայմաններում գազն ու լույսն անջատել, ժողովրդական շարժումով եկած իշխանությունն իրավունք չունի սպառնալիքով խոսել։ Պարտավոր չէ քաղաքացին չաշխատելով վճարել ուրիշների աշխատավարձը, ոնց ներկայացրեց վարչապետը, որ եթե ՀԷՑ-ի, «Գազպրոմ»-ի աշխատողները չեն ստանում, ապա ես պիտի վճարեմ, որ նրանք ստանան աշխատավարձ․․․ Ամբողջ կյանքս պայքարել եմ Քոչարյանի, Սարգսյանի դեմ ու այսօր մատնանշում եմ այս կառավարության թերությունները»,- ասաց երգահան-կատարող Միքայել Մարգարյանը, ով երեկ բողոքի միայնակ ակցիա էր անցկացնում ու բերման ենթարկվեց։

Ի դեպ, առավոտյան բերման ենթարկված ակտիվիստ Հայկ Բարսեղյանն ազատ էր արձակվել և միացել բողոքի ցույցի մասնակիցներին։