«Ամիսներ առաջ նույն անձինք նրան հրապարակային սպառնացել են». Գրիգոր Երիցյան

Երևանի ավագանու «Իմ քայլը» խմբակցության անդամ Գրիգոր Երիցյանը ֆեյսբուքյան իր էջում գրել է. «Ալեն Սիմոնյանի հետ կատարվածը որևէ արդարացում չունի: Դեռ ամիսներ առաջ նույն անձինք նրան հրապարակային սպառնացել են, որ եթե ադեկվադների անունը ևս մեկ անգամ տա, «երանի կտա Արթուր Իսպիրյանին և Գրիգոր Երիցյանին»:

Վերջին երկու տարիներին այս խմբավորումը նույն վարքագիծն է դրսևորել իմ և իմ գործընկերների նկատմամբ՝ ամենավերջին վիրավորանքներից մինչև սպառնալիքներ: Իրավապահ մարմինները, սակայն, դրանք բավարար չեն համարել որևէ պատասխանատվության ենթարկելու համար:

Արդեն 1 տարի է, ինչ դատարանը քննում է իմ հայցն ըննդեմ Արթուր Դանիելյանի և Կոնստանտին Տեր-Նակալյանի, բայց փորձը ցույց է տալիս, որ դատական կարգով նման երևույթների դեմ պայքարը երկար է և ապարդյուն: Ժամանակն է, որ ստեղծվեն մարդու արժանապատվությունը և իրավունքները պաշտպանող արդյունավետ իրավական մեխանիզմներ, որպեսզի մարդիկ իրենց արժանապատվությունը պաշտպանելու համար այլ մեթոդների չդիմեն»: