#Facebook-ի եռամսյակային շահույթը կրկնապատկվել է

Facebook Inc-ն, առաջին եռամսյակի տվյալների համաձայն, կրկնակի ավելացրել է ընկերության մաքուր եկամուտները։ 2020թ. առաջին երեք ամիսներին այն կազմել է 4,902 միլիարդ դոլար կամ 1,71 դոլար՝ մեկ բաժնետոմսի հաշվով։

Ընկերության եռամսյակային եկամուտներն աճել են 18%-ով՝ նախորդ տարվա 15.077 միլիարդ դոլարի հետ համեմատած, գրում է FactSet-ը:
Մարտի վերջին Facebook սոցիալական ցանցի օգտատերերի թիվը հասել է 2,6 միլիարդի՝ (կանխատեսման ակնկալվող ցուցանիշը կազմել էր 2,55 միլիարդ) այս տարվա ընթացքում այդ ցուցանիշն աճել է 10%-ով:
Ակտիվ օգտատերերի թիվն աճել է 11%-ով և կազմել 1,73 միլիարդ:
Ընկերության գնահատականների համաձայն՝ ամեն օր առնվազն մեկ անգամ 2.36 միլիարդ մարդ օգտվում է Facebook, Instagram, WhatsApp կամ Messenger հավելվածի ծառայություններից, իսկ մոտ 2.99 միլիարդ մարդ՝ ամիսը մեկ անգամ։ Այս ցուցանիշները տարվա ընթացքում աճել են, համապատասխանաբար՝ 12% և 11%-ով: