Ֆրանսիայի ՀՆԱ-ն առաջին եռամսյակում ընկել է ռեկորդային 5,8%-ով

Ֆրանսիայի եռամսյակային համախառն ներքին արդյունքը, նախորդ եռամսյակի հետ համեմատած, ընկել է 5,8%-ով, հայտնում է Insee-ն, որը զբաղվում է Ֆրանսիայի պաշտոնական վիճակագրական տվյալների հաշվարկով և վերլուծությամբ: Այս ցուցանիշները դիտարկումների ամբողջ պատմության ընթացքում ՀՆԱ-ի անկման ամենամեծ ցուցանիշն է:

Trading Economics-ի կողմից հարցված վերլուծաբաններն ակնկալում էին 3,5% անկում:
Ըստ Insee-ի տվյալների՝ առաջին եռամսյակում Ֆրանսիայում սպառողական ծախսերը նախորդ եռամսյակի հետ համեմատ նվազել են 6,1%-ով, իսկ պետական ծախսերը նվազել են 2,4%-ով:
Հունվար-մարտ ամիսներին Ֆրանսիայի արտահանման ծավալները 2019 թվականի չորրորդ եռամսյակի հետ համեմատ նվազել է 6,5% -ով, ներմուծման ծավալը նվազել է 5,9% -ով:
Ֆրանսիան տնտեսական ցուցանիշներով եվրոգոտում զբաղեցնում է 2-րդ տեղը: